19 март 2020 яңалыклары

Татарстанда, башка төбәкләрдән аермалы буларак, каникулга 19 марттан ук чыксалар да, дәресләрне әле беркем дә бетермәгән. Ник дигәндә, 19-21 март аралыгында республикада дәресләр дистанцион формада уза. Аларда алдан үтелгән материалны кабатлаячаклар, күнекмә дәресләр уздырачаклар. Язгы каникуллар исә 31нче мартка кадәр дәвам итәчәк.

Карантин игълан ителү сәбәпле, күп кенә кешеләр читтән торып эшләүгә күчте. Беренче карашка, бу шәп кебек тоелса да, ияләшмәгән кеше өчен өйдә торып эшләү шактый авыр бирелә. Савыт-саба юып аласың, ашарга пешерәсең, тагын савыт-саба юасың... Инде тагын ашыйсы килә башлый. О телевизорда шәп  фильм бара! Ә эшне кайчан эшләргә? Болай булмый, читтән торып эшләүнең нәтиҗәсе булсын өчен 5 кагыйдә тәкъдим итәбез.

Мәктәп укучыларын вакытыннан алдарак каникулга озатсалар, студентларны дистанцион укуга күчерделәр. Хәтта кайбер кешеләр эшләрен дә читтән торып башкара. Карантин чорын ничек файдалы итеп уздырырга? Бездән шәп идеяләр әлеге язмада.