28 сентябрь 2019 яңалыклары

Үзәкләрем өзелеп йокыдан уянып китәм. Кара әле, дим, адәм баласының күңелендә кыен чакта әнкәйгә сыенасы килү теләге гомерлеккә кала икән бит. Балачакта урамда уйнап йөргәндә, кайсы гына сабый, кем дә булса үзен рәнҗетсә, «Әнигә әйтәм!» дип өенә йөгермәгән? Әнисе яклыймы-юкмы, анысы – башка мәсьәлә, иң мөһиме, «Әнигә әйтәм!» дигән тылсымлы сүз бар.

Соңгы елларда минималистик яшәү рәвешенә бәйле тенденцияләр аеруча киң таралды. Гадилеккә омтылучылар саны артканнан-арта бара. Мондый кешеләр чын мәгънәсендә кирәкле һәм файдалы әйберләрне генә кулланырга һәм тормышларында чүп-чардан арынырга омтыла, бүгенге көн белән генә түгел, киләчәген дә уйлап яши.