ТАТАРСТАНДА БЕРЕНЧЕЛӘР ХӘРӘКӘТЕ ЛИДЕРЛАРЫН САЙЛАУ ТӘМАМЛАНДЫ

Республикада елдагыча Беренче Советы рәисләрен сайлау узды. Беренчеләр советы ул - һәр сыйныфтан балалар, шулай ук яшьләр оешмаларында, отрядларда, түгәрәкләрдә, клубларда катнашучылар керә ала торган балалар үзидарә органы. Тавыш бирү юлы белән 1234 уку йортында, 45 муниципаль берәмлектә лидерлар билгеләнде. Сайлауларда 30 меңнән артык кеше катнашты.

 Беречнеләр Хәрәкәте җитәкчесе Тимур Сөләйманов:

«Башта сайлаулар мәктәп, техникум, көллиятләр дәрәҗәсендә узды. Агитация кампаниясе яңа форматта үтте: рәис урынына кандидат булу өчен, теләге булган һәркем «Дургое дело» платформасында теркәлеп, 10 кешедән команда җыйды. Кандидатларга махсус биремнәр дә булды: мәсәлән, сайлау алды плакаты төзергә, клип төшерергә, яхшы эш эшләргә, үз кандидатурасы турында мөмкин кадәр күбрәк сөйләргә, дебатларда катнашырга һәм үзләренең сайлау алды программасы белән уртаклашырга. Сентябрь ахырына республиканың 1234 уку йортында лидерга кандидатлар пәйда булды» – дип сөйләде.

Киләсе этап – төбәк дәрәҗәсендәге сайлаулар.  Быел төбәк Советы рәисе өчен тавыш бирү беренчеләр будьвхәрәкәт.рф платформасында узды. Балалар һәм өлкәннәр республиканың 10 районыннан сайлап алу этабын узган 15 финалисты арасында сайладылар. Гомуми 9097 кеше тавыш биргән. Яңа балалар лидеры булып Әлмәт шәһәренең 5 нче гимназия укучысы Лика Молдаванова сайланды.

Районнарда да балалар лидерларының сайлау процессы ахырына якынлашты. Республиканың барлык районнарында җирле бүлекчәләрнең йомгаклау конференцияләре узды. Кандидатларның һәркайсы сайлау алды программасын тәкъдим итте, шуннан соң тавыш бирү юлы белән яңа рәисләр билгеләнде.