ТАТАРСТАН МАТБУГАТЫ КӨНЕНӘ БАГЫШЛАНГАН «МЕДИАПИКНИК»тан ФОТОРЕПОРТАЖ

Бүген «Татмедиа» акционерлык җәмгыятендә Татарстан матбугаты көненә багышланган «Медиапикник» булып узды. Тантанада республика һәм район матбугат чаралары, төбәкләрдән килгән кунаклар катнашты. Шулай ук журналистларны котлап, популяр җырчылар һәм артистлар да чыгыш ясады.

ТР Журналистлар берлеге рәисе, «Татарстан – Яңа Гасыр» телерадиокомпаниясе генераль директоры Илшат Әминев исә вакытлы матбугатның беркайчан да бетмәячәген искәртте. «Кайберәүләр «Иртәгә радио, телевидение, газеталар бетә», – диләр. Бу дөрес түгел. Катлаулы, буталчык мәгълүмати океанда утраулар кирәк. Ул таяну ноктасы – без. Без эшләмәсәк, тәфсилле мәгълүматны җиткермәсәк, ул эшне кем эшләр?!», – диде ул.

Фирүзә ЗАКИРҖАНОВА