Логотип Идель
Бу – тема!

СТУДЕНТЛАР ӨЧЕН ТАШЛАМАЛАР

17 ноябрь – халыкара студентлар көне. Әлеге статуста булган яшьләр кайларда азрак акча түли алалар? Нинди ташламалар, акцияләр бар? Әлеге язмада шулар белән танышырбыз.

  1. РЖД электричкаларында студентларга 50% скидка. Чит районнардан килеп укучылар өчен, бу – менә дигән акча экономияләү ысулы.
  2. Циркка йөрергә яратучылар өчен дә яхшы яңалык бар. Билетларга 15% скидка ясау каралган, әмма барып, кассадан алу зарур.
  3. Кинотеатрларда да студентлар өчен ташламалар каралган. Әйтик, «Синема 5»тә дүшәмбедән җомгага кадәр билетларны 250 сумга алырга мөмкин. «Мир» кинотеатрында дүшәмбедән чәршәмбегә кадәр 50 сум ташлама ясыйлар. Ә «Киномакс»та дүшәмбедән пәнҗешәмбегә кадәр 30% ташлама каралган, җомга көнне исә кичке 4кә кадәр.
  4. Галиәскәр Камал театрында чәршәмбе көнне билетларга 50% ташлама ясыйлар. Тамаша кылырга теләсәгез, бер ел алдан ук планлаштырырга тәкъдим итәбез!
  5. «Cups» та һәр дүшәмбе барлык ризык һәм эчемлекләргә 15% ташлама. Паралар арасында дуслар белән сөйләшү, аралашу өчен менә дигән урын һәм мөмкинлек.
  6. «Простая еда»да 30 ноябрьга кадәр һәр ризыкка 20% ташлама. Төшке ашны кайда ашыячагыгызны сез хәзер төгәл беләсез.
  7. «ВК музыка»да студентлар өчен подписка аена 99 сумны тәшкил итә. Башка платформалар белән чагыштырганда, әлеге сумма артык кыйммәт түгел, шуңа мөмкинлекне кулдан ычкындырмагыз.
  8. Милли музей һәм аның филлиалларында студентлар өчен 50% ташлама каралган. Рухи яктан үсү өчен дә мөмкинлекләр шактый.

Башкалабыз студентлары, иң рәхәт һәм матур вакытыгызны истә калырлык итеп уздырырга тырышыгыз, мөмкинлекләрне кулланыгыз!

Следите за самым важным и интересным в Telegram-каналеТатмедиа

Нет комментариев