СЕНТЯБРЬ АЕНА КЫЗЫКЛЫ ЧАРАЛАР ИСЕМЛЕГЕ

Яңа уку елы инде башланды, һәм без синең мәктәп тормышын төрлеләндерергә ярдәм итә торган чаралар исемлеге әзерләдек.

Сентябрь ае афишасы:

1. Алдынгылар хәрәкәте сине аниме дөньясына чакыра. 6 нчы сентябрь көнне Ленин мәдәният йортында өченче «Yokai Matsuri» гаилә аниме-фестивале узачак. Аның кысаларында төрле бәйгеләр, остаханәләр һәм кызыклы очрашулар оештырыла. Тизрәк костюмың турында уйла башла – иң кызыклы костюм иясе шулай ук бүләк алачак.
2. 13 һәм 14 сентябрьда Казан ипподромында зур көзге «Open space market» сезне көтеп кала. Гадәти булмаган сәүдә үзәкләре, остаханәләр һәм лекциялар – барысы да булачак. Бәлки синең үзеңнең дә берәр төрле мастер-класс үткәрәсең киләдер? Андый мөмкинлек тә бар.
3. Никита Кологривый белән очраш! 24 сентябрьдә «Киномакс – IMAX» кинотеатрында «Август» фильмының премьерасы булачак. Аны фильмның актеры – Никита Кологривый үзе тәкъдим итәчәк. Билетны сатып алырга өлгер.
4. Республика яшүсмерләр китапханәсе «Ватандашлар» документаль фильмнарын күрсәтә. Очрашу кысаларында сез Татарстан Республикасының күренекле эшлеклеләре турындагы фильмнарны карарсыз һәм фикер алышырсыз. Чираттагы күрсәтү 10 сентябрьдә узачак.
5. Скверлар һәм парклар дирекциясе сине «Елмай» паркына кинопоказларга чакыра. Алар 5, 11 һәм 20 сентябрьләрдә узачак. Керү ирекле.
6. Яшьләр министрлыгы «Люби. Созидай. Вдохновляй» проектын башлап җибәрде. Беренче сессияләр «Омтылыш» һәм «Ныклык» темалары буенча 17-19 һәм 22-24 сентябрь көннәрендә «Волга» яшьләр үзәгендә узачак.
7. Илхам Шакиров сәнгате яңа сулыш алачак. 5 сентябрьдә 18.30да Горький паркында яраткан артистның җырларын тыңларга концертка кил.
8. Әгәр син айти белән шөгыльләнәсең икән, сиңа халыкара «Kazan Digital Week – 2025» форумын калдырырга ярамый.  Нәкъ менә анда өлкәнең иң актуаль мәсьәләләре турында фикер алышалар.
9. 27-28 сентябрьдә Казанда «Шәһәр – РЕАКТОР» дип аталган зур креатив индустрияләр фестивале узачак. Ә әлегә аның алдыннан «Кара күл» паркында быелгы резидентлар-рәссамнардан инсталляцияләр күргәзмәсе ачылды. Иҗади кешеләрне җәлеп итү урынын барып кара.
10.  Ай буе Казан Кремль территориясендә, иске-татар бистәсендә һәм «Туган авылым» комплексында спектакльләр-променадлар узачак. Бу театр тамашасы форматында җәяүле аудио-экскурсия, һәм ул гаилә яки дуслар белән барыр өчен шәп урын.

Чаралардан тыш та күп кызыклы шөгыльләр табып була. Мәсәлән:

– Өйдә кинопоказ үткәрү. Какао+плед+яраткан фильм = иң әйбәт комбо!

– Сәнгать: модада румбокслар: алар наклейкалар форматында яки чын кечкенә өйләр шикелле булырга мөмкин.

– Әлбәттә, Алдынгылар командасына кушылырга! Бездә син чараларга катнашырга яки узең чаралар оештыра аласың.

– Берәр театрга барып килегез. Хәзерге вакытта күп театрларда яңа сезон ачылып килә һәм кызыклы премьераларга эләгеп була.

– Үзеңне яңа һөнәрдә сынап кара. Бәлки, сиңа блог алып барырга, шигырьләр язарга яки спорт белән шөгыльләнү ошар.

– Спорт турында! Ул стрессны киметергә бик тә булыша. Шуңа күрә үзең өчен берәр ошый торган спорт төрен тапсаң, бу кызык кына түгел, файдалы да булачак.

– Ял итү ул – диванда гына яту түгел! Киресенчә, ул икенче шөгыльгә күчү, мәсәлән, яңа тел өйрәнү, китаплар уку, кызыклы лекцияләрдә катнашу.

– Хәзерге вакытта уку да Интернетка бәйләнгән, шуңа күрә мәктәп вакыты да, ял да смартфонда үтә. Берәр кичне телефонсыз үткәрсәгез, башыгыз әйбәт ял итеп алачак.

Уку – күңелле актив тормышка нокта кую дигән сүз түгел. Безнең әлеге исемлек сезгә мәктәп көннәрен төрлеләндерергә ярдәм итәр дип ышанып калабыз.