ӨЙ ШАРТЛАРЫНДА ЛИМОНАД ЯСЫЙБЫЗ

25 июнь – лимонад көне. Шул уңайдан, сезгә өйдә әзерләп була торган тәмле эчемлек рецептлары тәкъдим итәбез.

Җәй җитү белән салкын һәм сусауны баса торган эчемлекләргә ихтыяҗ арта. Кибет киштәләрендә лимонадлар бихисап булса да, өйдә әзерләнгән эчемлек күпкә файдалырак һәм тәмлерәк. Моннан тыш, аны һәркем үз зәвыгына туры китереп әзерли ала. Җиләк-җимеш, үләннәр, бал яки җиләкләр кушып, лимонадны төрләндерү мөмкин.

Классик лимонад

Кирәк булачак:

3 лимон;

1 литр су;

100-120 г шикәр;

боз кисәкләре;

бөтнек.

Әзерләү тәртибе:

Лимоннарның согын сыгып алыгыз. Шикәрне ярты стакан җылы суда эретегез. Лимон согын, шикәрле суны һәм калган салкын суны кушыгыз. Боз һәм бөтнек өстәп, суыткычта 30 минут тотыгыз.

Җиләкле лимонад

Кирәк булачак:

2 лимон;

200 г җиләк;

1 литр су;

80 г шикәр яки бал;

боз.

Әзерләү тәртибе:

Җиләкне блендерда изегез. Лимон согы, су һәм шикәр белән кушыгыз. Эчемлекне сөзеп алырга да мөмкин. Боз өстәп табынга чыгарыгыз.

Кыяр һәм бөтнек белән лимонад

Кирәк булачак:

2 лимон;

1 уртача кыяр;

1 литр газсыз су;

бер уч бөтнек;

2–3 аш кашыгы бал.

Әзерләү тәртибе:

Кыярны юка телемләп турагыз. Лимон согы, бал һәм су белән кушыгыз. Бөтнек өстәп, суыткычта бер сәгать тотыгыз.

Әфлисунлы лимонад

Кирәк булачак:

2 апельсин;

1 лимон;

1 литр су;

100 г шикәр;

боз.

Әзерләү тәртибе:

Цитрус җимешләренең согын сыгып алыгыз. Шикәрне суда эретеп, согы белән кушыгыз. Суытылган хәлдә бирегез.

Карбызлы лимонад

Кирәк булачак:

300 г карбыз;

1 лимон;

500 мл су;

бөтнек;

боз.

Әзерләү тәртибе:

Карбызны блендерда ваклагыз. Лимон согы һәм су кушыгыз. Боз һәм бөтнек белән бизәп бирегез.