МИН ТАТАРЧА СӨЙЛӘШӘМ 2021: ФОТОРЕПОРТАЖ

«Мин татарча сөйләшәм» акциясе билгеле сәбәпләр аркасында узган ел беренче тапкыр онлайн форматта уздырылса да, быел әлеге чара яңадан үзенең элеккеге урынына, Бауман урамына кайтты. Чарада Yatmas Dusai, AliyaNur, Гыйлем һәм «Мин татарча сөйләшәм» музыкаль бәйгесенең башка җиңүчеләре белән бер сәхнәдә инде күпләр яратып өлгергән һәм көткән K-ru, Gauga, Усал, Оммаж, Зәринә Вилданова һәм башка музыкантлар бар иде. Чараның хедлайнеры АИГЕЛ дуэты иде, алар иң азакта чыгыш ясады. АИГЕЛдан соң исә халык таралышмады – күмәк «И туган тел» җыры башкарылды.

Шулай ук, «Мин татарча сөйләшәм» акциясе – антипремия («Старый город» префектурасы, Казан парклары һәм скверлары дирекциясе, «Казан Кремле» музей-тыюлыгы) һәм рәхмәт хатлары («Такси Татарстан» оешмасы, «Казан-Экспо» күргәзмәләр үзәге, «Alima Academy» «UrbanTatar» берләшмәсе) тапшыру һәм Татар Дозор уены җиңүчеләрен бүләкләү белән үрелеп барды.

Илназ Мөхәрләмов фотолары