КӨЗ КӨНЕ ШАРЛОТКА ПЕШЕРӘЛӘР!

Көз ул – уңыш җыю чоры. Иң беренче тәмле бакча җимешләре – алмалар инде, әлбәттә. Димәк, менюда алма бәлешләре, шарлоткалар күп булырга тиеш. Бу гади генә рецептны һәр кыз бала да башкарып чыга алачак. Киттек!

Кирәк булачак ингридиентлар: 

• 4 йомырка
• 200 гр шикәр комы
• 200 гр он
• 1 чәй кашыгы разрыхлитель яки сода
• 3-4 алма (күбрәк булса тәмлерәк)

1. Йомыркаларны шикәр комы белән бутап, яхшы иттереп миксер белән күпертәбез.
2. Онны иләп, кашык белән астан өскә болгатабыз, бөтен он кереп бетәргә тиеш, миксер белән күпертү бу этапта кирәкми. Онга разрыхлитель дә өстәргә онытмыйбыз.
3. Әзер камырга алдан чистартып, турап куйган алмаларны салып бутыйбыз.
4. Төбе майланган табага әзер массаны салып, 180 градуслы духовкага 30-40 минутка куябыз.
5. Шарлотка әзер! Тәмле булсын!