КОНКУРС: «ИҢ ШӘП СЫЕРЧЫК ОЯСЫ»
Бу коронавирус атлы зәхмәт бигрәк уйламаганда-көтмәгәндә килеп чыкты бит әле. Хәзер күпләр карантинда, өйләрендә ни эшләргә белмичә ята торгандыр. Махсус сезнең өчен «ЯЛКЫН» яңа конкурс игълан итә: иң матур сыерчык оясы!
Җылы яклардан кошлар кайта башлады, һәм хәзер аларның көннәре оя табу, гаилә кору һәм кошчыклар тәрбияләү белән шөгыльләнеп үтәчәк. Ә без аларга ярдәм итә алабыз! Кошларга оя ясау – матур гадәт, һәм безнең кошларга карата хөрмәтебезне, мәрхәмәтлелегебезне чагылдыра торган гамәл.
Димәк, конкурсның шартлары: 20нче апрельга чаклы үзегез ясаган сыерчык оясын фотога төшереп, безнең почтага (yalkin@bk.ru) җибәрегез. Хатта катнашучының исем-фамилиясе татарча хатасыз язылган булырга тиеш. Конкурста ике җиңүче булачак: берсен редакция сайласа, икенчесе тавыш бирү юлы белән билгеләнәчәк. Катнашучыларга уңышлар!
Һәм онытмагыз: бу конкурста җиңелүчеләр юк, чөнки без, иң беренче чиратта, кошчыкларга ярдәм итәбез, ә башка җан ияләрен кайгыртучы, аларга ярдәм кулы сузучы кеше – һәрвакыт җиңүче!
Следите за самым важным и интересным в Telegram-каналеТатмедиа
Белми калма
-
17 октября 2024 - 15:00
ӘЛМӘТ ТЕАТРЫ 80 ЕЛЛЫК ЮБИЛЕЕН НИЧЕК ҮТКӘРӘ?
-
12 октября 2024 - 19:20
ТАТАРСТАНДА БЕРЕНЧЕЛӘР ХӘРӘКӘТЕ ЛИДЕРЫН САЙЛЫЙЛАР
-
11 октября 2024 - 16:30
Татарстан яшүсмерләре «Дипломатиянең мәктәп клублары» федераль проектында катнаша
-
11 октября 2024 - 15:15
«Әйдә ШаяРТ» татар КВН лигасының яңа сезонында нинди командалар катнаша?
Нет комментариев