КОЙМАКЛАР ПЕШЕРӘБЕЗ!

Май чабу бәйрәмен без коймакларсыз күз алдына китерә алмыйбыз, шулай бит?! Шуңа күрә бу язмада тәмле коймак рецептлары белән танышырбыз!

Классик сөтле коймак

Кирәк булачак:

2 йомырка

500 мл сөт

1 стакан он

1 аш кашыгы шикәр

чеметем тоз

2 аш кашыгы үсемлек мае

Әзерләү:

Йомыркаларны шикәр һәм тоз белән болгатырга. Сөтнең яртысын салып, он кушарга. Калган сөтне һәм майны өстәргә. Кызган табада юка итеп пешерергә.

Кефирлы йомшак коймак

Кирәк булачак:

1 стакан кефир

1 йомырка

1 стакан он

1 аш кашыгы шикәр

½ чәй кашыгы сода

чеметем тоз

Әзерләү:

Кефирга сода салып болгатырга. Йомырка, шикәр, тоз кушарга. Он өстәп, куерак камыр ясарга. Коймакларны калынрак итеп ике ягыннан да кыздырырга.

Ачы камырдан коймак

Кирәк булачак:

500 мл җылы сөт

1 аш кашыгы коры чүпрә

1 йомырка

1,5 стакан он

1 аш кашыгы шикәр

2 аш кашыгы май

Әзерләү:

Җылы сөткә чүпрә һәм шикәр салып 10–15 минут тотарга. Йомырка һәм он кушып болгатырга. Камырны 1 сәгать җылы урында кабартырга. Юка итеп табада пешерергә.

Шулай ук тагын да тәмлерәк итү өчен каймак яисә кайнатма куллана аласыз. Ашларыгыз тәмле булсын!