КАЗАНГА ПИОНЕРЛАР КИРЕ КАЙТА!

Әти-әниләрнең «Эх, без укыганда, пионерлар идек» дигән сүзләрен еш иштерегә туры килә. Хәзер аларны үз күзләребез белән күрү мөмкинлеге дә туачак.

17 май көнне Казанның Мәгариф хезмәткәрләре йортында пионерлар җыены узачак. Бу чара Ленин исемендәге Бөтенсоюз Пионерлар оешмасының 95 еллыгына багышлана.

Җыенда 1940-1990 елгы әйдаманнарның (вожатый) һәм барабанчыларның чыгышлары, тантаналы линейка, концерт көтелә. Ветераннар муеннарына кызыл галстуклар киеп, кире үз яшьлекләренә кайтып килә алачак. Үзләренең яшь чакларындагы вакытларын искә төшерер өчен менә дигән бу – менә дигән сәбәп.

Кайда: Казан, Бауман урамы, 62/9

Кайчан: 17 май, 12.00