КАЗАНДА САБАНТУЙГА БҮЛӘК ҖЫЮ БӘЙРӘМЕ ГӨРЛӘДЕ (ФОТОРЕПОРТАЖ)

26 июнь көнне Казанда татар халкының милли бәйрәме – Сабантуе узачак. Шул уңайдан, бүген башкалабызда бүләк җыю бәйрәме гөрләде.

Җигелгән атлар, милли киемнәрдән егет-кызлар Казанның үзәк урамнары буйлап бии-җырлый бүләкләр җыеп уздылар. Соңгы тукталыш Камал театры каршында булды. Биредә театральләштерелгән тамаша узды һәм республиканың иң яхшы фольклор коллективлары чыгыш ясады. Әлеге бәйрәмнән иң күңелле мизгелләр - безнең фоторепортажыбызда!