КАВЫН: КЕМНӘРГӘ АШАУ ЗЫЯНЛЫ?

Диетолог кавынның бөтен кешегә дә ярамавы турында хәбәр итте.

Табиб-диетолог Ольга Кораблева әйтүенчә, кавынны гастрит, панкреатит, холецистит, язва кебек авырулар булганда, аеруча аларның кискенләшкән вакытында ашамау хәерле.

– Кавынның эчне йомшарта торган сыйфаты бар. Шуңа күрә эчәклекләр эшчәнлегендә кыенлыклар булганда кавын ашау киңәш ителми. Ул инде булган проблемаларны да да катлауландыра ала, –  ди табиб.

Шулай ук, белгеч кавында калорияләр аз булуга карамастан, аның авыр үзләштерелүе турында әйтә. Диетолог аны ач карынга һәм башка ризыклар белән бергә ашамаска киңәш итә. Шул исәптән, башка җиләк-җимешләр белән ашау да хупланмый.. «Ашаган очракта газлар барлыкка килергә яки диарея башланырга мөмкин. Шуңа күрә ашаганнан соң берәр сәгать көтеп тору яхшы булачак», - ди ул.