КАРШЫ АЛЫГЫЗ: "ЛИДЕРЛАР МӘКТӘБЕ"

"Лидерлар мәктәбе" кабат тулы көченә эшли башлады. Күпләрегез "соңгы арада проект күренми" дип аптыраган идегез. Каршы алыгыз: "Ялкын" журналының май санында кабат - "Лидерлар мәктәбе". Бу юлы безне Татарстан Республикасы Премьер-министры урынбасары Шәйхразиев Васил Габтелгаяз улы үзендә кунак итте.

1 сәгатькә генә дип килгән идек, 2 сәгать утырганыбызны сизми дә калганбыз. Васил Габтелгаязович белән әңгәмәгә кызыклы экскурсия, ә аннан чәй табыны өстәлде. Әлбәттә, төп максатыбыз чәй эчү түгел иде  Шуңа күрә бөтен игътибарыбызны Васил абыйның сүзләренә юнәлттек. Үзебезне кызыксындырган сорауларга җавап алдык, Васил абыйның сорауларына җавап бирдек. "Авыр хәлдән чыга беләсез. Үзегезне бүгеннән үк чын журналистлар кебек тотасыз", - диде Васил Габтелгаязович безне мактап. Кыскасы, очрашудан һәркем кәнәгать калды бугай.





Очрашуның калган мизгелләре турында исә "Ялкын"ның май саныннан укырсыз. Журнал битләрендә очрашканчыга кадәр.

"Ялкын" журналының яшьләр редколлегиясе

#Лидерлармәктәбе