ИШЕКМЕ, ӘЛЛӘ ДИҢГЕЗ ЯРЫМЫ?

Берничә көн элек дөнья социаль челтәрләрен яңа бәхәс дулкыны күмеп китте.

Социаль челтәрләрдә соңгы арада ниләр генә күренми!

“Күлмәк нинди төстә?” (аклы-алтынлымы, әллә зәңгәрле-каралымы?)

Чынлыкта – зәңгәрле-каралы

---

“Аякларга ни сыланган”
(май, пленка белән капланган һ.б. Чынлыкта – аяклар хуҗабикәсе ак буяу таплары төшергән генә)

---

Һәм менә өр-яңа бәхәс! Бу нәрсә – ишекме?

Әллә диңгез ярымы?

Челтәр кулланучылары уртак фикергә килә алмады (ике караш тарафдарлары бертигез күләмдә), “Ялкын” укучыларының күпчелеге исә әлеге сурәттә ишек төшерелгән дип уйлый.

Ахыр чиктә сораштыруны башлап җибәрүчеләр серне чишәргә мәҗбүр була. Игътибар, җәмәгать, рәсемдә – диңгез яры. Аннан бары тик суда йөзүче кешеләр алынган һәм фото бераз үзгәртелгән.



Әгәр шуның белән бәхәс тәмам дип уйласагыз, ялгышасыз. “Ишек” версиясе тарафдарлары бирешергә теләми һәм бутау өчен рәсемнән киресенчә ишек тоткасын бетергәннәр, дип исбат итә.

Ә син ничек уйлыйсың?)