ИГЪТИБАР! ЯҢА БӘЙГЕ!

Игътибар! Игътибар! Игътибар!
Булды, игътибарыңны җәлеп иттем. Димәк тиз генә сөйләшеп ала алабыз.

Беркөнне «Ялкын»ның фотоархивын карап утырдык әле. Шундый күңелле вакытлар булган икән. Шуңа өстәп, бер үзенчәлеккә тап булдык: редакция хезмәткәрләре арасында гел охшашлык булган. Йөз, буй яки башка билгеләр белән бер-берсенә охшаш булганнар икән “Ялкын”лылар. Нәкъ менә шуннан бер конкурс идеясе барлыкка килде.

Тиздән әниләр көне. Димәк әниләребез турында сөйләр, аларны дөньяга күрсәтер өчен менә дигән вакыт.

Нишләргә кирәк?

Әниеңнең үзең кебек яшьтәге фотосын эзләп тап. Үз фотоңны һәм әниеңнең фотосын безнең почтага (yalkin@bk.ru) җибәр, кем, кайдан, ничә яшьтә булуың турында мәгълүмат калдыр. Без фотоларны үзебезнең сайтка урнаштырачакбыз.

Фотолар 18нче ноябрьгә кадәр кабул ителә.

Ә аннан соң кем әнисенә күбрәк охшаган булуын билгеләрбез.

Тавыш бирү игълан итәчәкбез.

Әнисенә иң күп охшаган кешегә – бездән бүләк.

Йә, ничек сиңа бу идея? Катнашасыңмы?

Чаткы Ялкынлы ??