БЫЕЛГЫ «КАРБЫЗ PARTY» НИЛӘР БЕЛӘН ИСТӘ КАЛДЫ?

2022 елда беренче тапкыр уздырылган «Карбыз Party» быел да гөрләде – өченче тапкыр! Бу бәйрәмнең ел саен аерылгысыз атрибуты гел бер үк – карбыз, әмма һәр елны «Карбыз Party» үзгә була. Ә быел ниләр белән истә калды ул?

– 100 килограмм карбыз! Бәлки, күбрәк тә булгандыр әле – беркем дә карбыз татып карамыйча китмәде!

– Журнал сатып алучылар арасында «Ялкын» мерчы – безнең шәп футболка, худи һәм шоппер уйнатылды. Һәм бер зур карбыз, әлбәттә!

– «Good Night Show» бер сәгатьлек уен программа әзерләде. Җиңүчеләргә нәрсә бүләк иттек, дип уйлыйсыз? Әйе, нәкъ шуны:)

– Кунаклар АлияНур һәм Илназ Гариповның иң матур һәм дәртле җырларына биеде.

– Карбызлы фотозона исә елдагыча үз тирәсенә күпләрне җыйды – дуслар, иптәшләр истәлеккә уртак фотолар ясады.

Менә шул! Фотоларны исә биредә карый аласың.

Киләсе елда очрашканчы!

Азат Вилданов фотолары