BUBBLEGUMНАН МӘСКӘҮ БАЗАРЫНДА ИРТӘНГЕ ДИДЖЕЙ-СЕТ

9 июль көнне сәгать 10:00дә бер сәгать дәвамында Мәскәү базарында заманча электрон эшкәртүле татар мотивлы җырлар яңгыраячак. Чара Scratch DJ School һәм Yummy Music белән берлектә уза.

Үз чыгышында Булат Bubblegum яңа «Irte» дип аталган трегын анонслый. Ул Scratch DJ School һәм Yummy Music тан «Музыкаль лаборатория» проектының бер өлеше булып тора. Барлык платформаларда рәсми релиз 11 июльгә планлаштырылган.

«Музыкаль лаборатория» татар музыкасы яңгырашын яшәртүгә юнәлтелгән. Проект 10 трекны берләштерәчәк: җиңел хаус-музыкадан алып каты драм-н-бейска кадәр, анда татар теле һәм милли музыка бөтенләй яңа яңгыраш алачак. Композицияләрне тормышка ашыруда Scratch DJ Schoolга нигез салучы Булат BubbleGum һәм Yummy Music лейблы эшли.

Проект Татарстан Республикасында яшәүче халыклар вәкилләренең татар телен һәм туган телләрен саклау, үстерү мәсьәләләре буенча Татарстан Республикасы Рәисе каршындагы Комиссия ярдәме һәм Алдынгылар хәрәкәте белән гамәлгә ашырыла.

Сурәт: ясалма фәһем