«БУ НИ БУЛДЫ БУ?»: «ЯЛКЫН»ЛЫЛАРНЫҢ 2020 ЕЛГА НӘТИҖӘЛӘРЕ

Әле генә 2020нче елны каршы алган идек, инде яңадан көне-төне мандарин ашый-ашый, 31нче декабрьне, аннан 00:00 тулганны көтеп, «Оливье» ясап, теләкләр теләп, «ура» кычкырыр чак якынлаша. Яшермибез, «Ялкын»лыларның 2020нче еллары да бераз сәеррәк узды. «Бу ни булды бу?» – диясе килә. Шул ук вакытта, сөенечле вакыйгаларга, яңа җиңүләргә дә бай булды ул. Бу турыда редакция хезмәткәрләре үзләре сөйли.