БАЛАЛАР ӨЧЕН УЕН ЯСАУ ПЛАТФОРМАЛАРЫ

Балагыз компьютер уеннарын уйнап кына калмыйча, аларны үзе дә ясый ала икәнен беләсезме? Моның өчен катлаулы кодлар кирәк түгел – балаларга аңлаешлы, куркынычсыз платформалар бар. Без иң уңайлы 4 сервисны сайлап алдык, болар белән хәтта кечкенә балалар да уеннар ясый ала.

Бер үк вакытта беренче сыйныф укучысы да, аның үсмер абыйсы да уеннар ясарга өйрәнә ала. Ләкин аларга төрле программалар кирәк булачак: кечкенәсенә – конструктор форматында, ә олысына – катлаулырак механикалар белән. Шуңа күрә платформаларны яшькә карап сайлау мөһим.

KODU GAME LAB

5–6 яшьтән

Microsoft тарафыннан балалар өчен махсус эшләнгән уен-конструктор. Балалар ландшафт ясый, геройлар урнаштыра һәм гади кагыйдәләр бирә: «төймәгә бассаң, машина йөри». Укый белү мәҗбүри түгел, барсы да визуаль.

Плюслар:

– Интернетка кермичә эшли

– Чатлар һәм чит контент юк

– Иң куркынычсыз мохитләрнең берсе

Минуслар:

– Windows кына

– Уеннарны башкаларга күрсәтү авыр

SCRATCH

7 яшьтән (Scratch Junior – мәктәпкәчә яшьтәге балалар өчен)

Scratch – уеннар, мультфильмнар һәм анимацияләр ясау өчен популяр платформа.

Өстенлекләре:

– Бушлай

– Миллионлаган әзер проект

– Браузерда да, кушымта буларак та эшли

– Укыту материаллары бик күп

Кем өчен:

7–12 яшьлек балалар, иҗади фикерләүне үстерү өчен.

Куркынычсызлык:

Приват чатлар юк, ләкин комментарийларда чит кешеләр очрарга мөмкин. Теләсәгез, офлайн-версиядә генә дә эшләргә була.

MINECRAFT EDUCATION EDITION

9-10 яшьтән

Балалар яраткан Minecraft нигезендә ясалган белем бирү версиясе. Уен дөньясы белән код ярдәмендә идарә итәргә мөмкин.

Нәрсәгә өйрәтә:

– Блоклы программалаштыру

– Python нигезләре

Минусы:

– Платформа түләүле

Куркынычсызлык:

Чит кешеләр белән ирекле чатлар юк, ата-ана контроле яхшы көйләнә.

UNITY

10 яшьтән өлкәнрәкләр өчен

Бу инде чын профессиональ уен двигателе. Күп кенә танылган уеннар Unity’да ясалган.

Өстенлекләре:

– Компьютер, телефон, консоль өчен уеннар

– Киләчәк һөнәр өчен файдалы

– Резюме өчен көчле плюс

Авырлыгы:

Интерфейсы катлаулы, шуңа күрә укытучы яки курслар кирәк.

Куркынычсызлык:

Чатлар юк, чит контент күренми.

Абсолют куркынычсызлык беркайда да юк, шуңа күрә иң мөһиме – цифрлы гигиенага өйрәнү:

– Чын исем, адрес, фото, карта мәгълүматларын беркемгә дә бирмәскә

– Уен чатындагы сылтамаларга басмаска

– Ят кешеләрдән килгән сәер сораулар турында шунда ук әти-әнигә әйтергә