АЛТЫН КӨЗ... САЛКЫН КӨЗ...

Көз уңыш кына алып килеп калмый, еш кына үзе белән салкын да ияртә. Салкын тиеп авырып, алтын көзне тәрәзәдән генә карап ятмас өчен без сезгә бүген берничә киңәш тәкъдим итәрбез.

- Гигиена таләпләрен үтәгез, кулларны еш юу инфекцион авырулар ияртүдән саклар;

- Яхшы иммунитет организмны күп авырулардан саклый, физик күнегүләр һәм дөрес туклану иммунитетны ныгыта. Көн дә җиләк-җимеш, яшелчә ашагыз, су эчегез;

- Күбрәк кайнар чәй, кипкән җиләк-җимешләрдән кайнатылган компот эчәргә тырышыгыз, көн саен бер кашык бал ашагыз;

- Фиточәй, витаминнар организмны ныгыта. Мисал өчен, көздән гөлҗимешне җыеп алып киптерергә, аннан кайнар су белән төнәтеп эчәргә мөмкин. Гөлҗимеш - С витамины чыганагы, анда аның күләме лимон һәм әфлисундагыга караганда да күбрәк;

- Җиләк-җимешне кышка шикәр комы белән туглап әзерләп куегыз, болай эшләгәндә витаминнар шул килеш саклана;

- Салкын тиюдән сарымсакның саклавы берәүгә дә сер түгел;

- Артык калын киенеп йөрергә кирәкми: сез тирләрсез, ә димәк, туңу һәм салкын тию ихтмалы артачак кына.