ҖӘЙГЕ ЧИЯ БӘЛЕШЕ

Җәйге чия исе, өйдә пешкән пирог һәм балачак хатирәләре – болар барысы да бер табында очраша ала. Вак уалчан камырдан әзерләнгән бу чия бәлеше куе эчлеге, әчкелтем-татлы тәме белән аерылып тора. Өстәвенә, аны әзерләү әллә ни катлаулы да түгел.

Кирәк була:

Камыр өчен: 150 г атланмай, 100 г шикәр, 400 г он, 1 йомырка, 3 йомырка сарысы, 1 кап камыр көпшәкләндергеч, бер чеметем тоз һәм тәмләткечләр.

Эчлек өчен: 300 г чия, 300 г шикәр, 30 г кукуруз крахмалы.

Әзерләү

Онны, шикәрне, майны һәм коры ингредиентларны кушып, вак крошка ясыйбыз. Йомырка белән йомырка сарыларын өстәп, камыр басабыз. Аны ике өлешкә бүлеп, берсен суыткычка, икенчесен туңдыргычка куябыз.

Чияне шикәр белән җылытабыз, согы чыккач, крахмал кушып куертабыз. Суыткычтагы камырны җәеп табага салабыз, өстенә чия эчлеген таратабыз. Туңдыргычтагы камырны угычтан уып сибәбез.

Бәлешне 170 градуста 40 минут пешерәбез. Кисәр алдыннан тулысынча суытырга кирәк.