ҖӘЙ КӨНЕ УКЫР ӨЧЕН КИТАПЛАР

Кем өчендер җәй – мәктәптән, китаплардан ял итү чоры. Ә кайберәүләр бу өч айны, киресенчә, күптән укырга теләгән, үзләре кызыксынган әсәрләргә багышларга ашкына. Без яшүсмерләр өчен шундый китаплар исемлеген җыйдык.

1. «Братья Карамазовы», Ф. М. Достоевский (16+)

Карамазовлар гаиләсе, атасы һәм аның өч улы турында тирән фәлсәфи роман. Геройларның һәрберсе кешене төрле яклап чагылдыра: хисләр, акыл һәм рухилык. Сюжет үзәгендә – әтиләренең үтерелүе һәм гаеп хисе, ышану, ирек кебек белән әхлакый мәсьәләләр белән бәйле сораулар.

2.  «Гарри Поттер», Дж. К. Роулинг (12+)

Яшь тылсымчы Гарри Поттер тарихы. Ул үзенең сихер, тылсымга ия булганын белгәч, Хогвартста тылсым мәктәбенә укырга керә. Дуслары Рон һәм Гермиона белән бергә ул Волан-де-Мортның явызлыгы белән көрәшә.

3.  «Задача трех тел», Лю Цысинь (16+)

Фәнни-фантастик роман. Вакыйгалар Кытайда Мәдәни инкыйлаб вакытында башлана. Җирдә яшәүчеләр чит цивилизация белән контакт урнаштыра, бу коточкыч нәтиҗәләргә һәм кешелек дөньясына куркыныч китерә башлый.

4.  «451 градус по Фаренгейту», Рэй Брэдбери (16+)

Китаплар тыелган һәм янгын сүндерүчеләр аларны юк итү белән шөгыльләнә торган дөнья турындагы антиутопия. Төп герой, янгын сүндерүче Гай Монтэг, рухи кризис кичерә һәм җәмгыять кыйммәтләреннән, яхшылыктан, кешеләрдән шикләнә башлый.

5. Karmalogic, Алексей Ситников (16+)

«Карма» терминын логика һәм фән күзлегеннән карап аңлата торган психология китабы. Автор үз тормышыңны яхшырту һәм уңышка ирешү өчен карма менеджменты принципларына нигезләнгән алымнар тәкъдим итә.

6. «Цветы для Элджернона», Дэниел Киз (16+)

Акылга зәгыйфь Чарли Гордон турында фәнни-фантастик роман. Аңа интеллектын арттыру буенча операция ясыйлар. Китап аның кичерешләре, шәхси үзгәрешләре һәм әйләнә-тирә дөнья белән катлаулы мөнәсәбәтләре турында сөйли.

7.  «Повелитель мух», Уильям Голдинг (12+)

Авиаһәлакәттән соң кеше яшәми торган утрауда калган инглиз мәктәп укучылары төркеме турында аллегорик роман. Әкренләп алар цивилизация кануннарын югалталар һәм кыргыйларга әвереләләр, бу фаҗигале нәтиҗәләргә китерә.

Сурәт: ясалма фәһем