ПИОНЕРИЯ КӨНЕН ТАТАРСТАНДА НИЧЕК БӘЙРӘМ ИТӘЛӘР?

Безнең әти-әниләребез 19нчы май – СССРда Пионерия көне буларак билгеләп үтелгәнлеген хәтерли. Быел анны «ОРИОН» пионер отрядлары Инженер үзәге белән берлектә Пионер оешмасының 95–еллыгына багышланган бәйрәм уздыра.

Бәйрәм программасында барабаннар шоуы, иң яхшы лицеистларны бүләкләү, хореографик чыгышлар, флэшмоб, спорт секциясенең чыгышлары көтелә.

Катнашучылар пионер заманнары балачагының уеннарын уйнаячак, җырларын башкарачак, аларга барабан кагарга өйрәтәчәкләр. 3-D принтер ярдьмендь үзең уйлап тапкан самолетыңны да ясап булачак. Чара пионер учагы, «Орленок» лагерендагы кебек түгәрәккә басып җыр җырлау белән тәмамланачак.



Шулай ук 18–20 май көннәрдә Биектау районындагы «Костер» үзәгендә «Россия мәктәп укучылары хәрәкәте» Гомумроссия иҗтимагый-дәүләт балалар-яшүсмерләр оешмасының төбәк бүлегенең III слеты уза.

Әлеге чарага «Россия мәктәп укучылары хәрәкәте»нең активистлары жыела. Алар арасында шушы хәрәкәт лидерлары, экологлар, мәктәптәге массакүләм мәгълүмат чаралары вәкилләре дә булачак.

19 майда «Казан ярминкәсе» күргәзмә үзәгендә «Россиянең мәктәп укучлары хәрәкәте» активистлары балалар хоры белән бергә махсус флэшмоб уздырачак. Бу чара белән параллель рәвештә Татарстан республикасының “Зур мәктәп редакциясе» дип аталган форумы үз эшен башлап җибәрә. Ул журналист булырга теләүче балаларга беренче сынау булачак. Бу юлы слет Пионер хәрәкәтенең 95-еллыгына багышлана.