ҖӘЙ КӨНЕ ТАТАРСТАН БАЛАЛАРЫ КАЙЛАРДА ЯЛ ИТКӘН?

Чебешләрне көзен саныйлар, диләр. Җәйге ялга да йомгак ясар чак җитте. Быел республикабыздагы балалар кайсы лагерьларда ял итеп өлгергән? Кайларда сәламәтлекләрен ныгыткан?

Җәйнең өч ае дәвамында Татарстаннан 179 026 бала 1810 балалар сәламәтләндерү лагерында ял иткән. Төгәл саннар мондыйрак:

 шәһәр читендәге 116 стационар лагерьда 87 232 кеше җәйге каникулын уздырган

 шифаханә-курорт базаларындагы 13 сәламәтләндерү лагерында “Ана һәм бала” һәм “Балалар өчен” программалары буенча 5290 бала ял иткән

 5250 бала Кара диңгез яры буенда урнашкан 5 лагерьда сәламәтлеген ныгыткан

 12 179 кеше 72 чатырлы лагерьда булган

 57 075 бала җәен 945 мәктәп яны лагеренда ял иткән

 12 000 кеше – мәктәп базасында урнашкан 659 хезмәт һәм ял лагерьларында

 авыр тормыш ситуациясендә калган 6207 бала һәм мөмкинлеге чикле булган 959 бала да җәй аенда төрле лагерьларда ял иткән.