«УРАМ»да СКЕЙТБОРДИНГ БУЕНЧА БУШЛАЙ ДӘРЕС ҮТӘЧӘК

Урам мәдәниятен үстерү проекты кысаларында 27 октябрьдә 18:30 сәгатьтә «УРАМ» экстрим-паркында скейтбординг буенча бушлай дәрес узачак. Аны парк командасы катнашучылары Әмир Нуриев һәм Евгений Радченко үткәрә. Алар сине скейтта йөрүнең төп лайфхакларына өйрәтәчәк.

Әгәр дә шәхси скейтбордың булмаса, аны паркта ук бушлай алырга мөмкин. Дәрестә катнашу өчен шлем дә кирәк булачак, ул да прокатта бар. Скейтта йөрергә өйрәнү буенча остаханәгә җайлы киемнәр һәм пычратырга җәл булмаган кроссовкалар киеп килү киңәш ителә.

Дәрестә катнашу өчен сылтама буенча теркәлү үтәргә онытма!