ТДИларның ТӨГӘЛ ДАТАСЫ БИЛГЕЛЕ

Коронавирус инфекциясенең таралуына юл куймауга багышланган брифингта Татарстан мәгариф һәм фән министрының беренче урынбасары Илсур Һадиуллин 9 һәм 11 нче сыйныфларда имтиханнар буенча яңа мәгълүмат бирде.

Җитәкче хәбәр иткәнчә,  йомгаклау имтиханнарын 11нче сыйныфлар гына түгел, 9 нчы сыйныфлар да бирәчәк. 

«Безнең мәгълүмат буенча, 9 нчы сыйныфлар рус теле буенча имтиханны 9-10 июньдә,  математиканы -  16-17  июньдә тапшырачаклар" - дип белдерде җитәкче.

Ә менә 11 нче сыйныфлар буенча төгәл даталар әлегә билгеле түгел. Исемлекне 12 майдан соң тәкъдим итәчәкләр.

«БДИ ларның шулай ук 8 июньнән соң башланачагы билгеле", - диде министр урынбасары.