ТАТАРСТАНДА ЮГАРЫ ТЕМПЕРАТУРАЛЫ 5 МЕҢ БАЛАНЫ ДӘРЕСЛӘРДӘН АЗАТ ИТКӘННӘР

Татарстанда агымдагы уку елы башыннан югары температура һәм ОРВИ симптомнары белән 5248 баланы дәресләрдән азат иткәннәр. Бу турыда Татарстан Республикасы буенча Роспотребнадзор идарәсе җитәкчесе Любовь Авдонина хәбәр итә. 

Соңгы тәүлектә генә дә дәресләрдән азат ителгән балалар саны 105 булган. Любовь Авдонина сүзләренчә, мәктәпләрдә иртәнге фильтрлар белем бирү оешмаларында инфекция таралуны кисәтергә ярдәм итә. 

Татарстанда коронавирус инфекциясе белән авыручы балалар 5%тан артмый.