Татарстанда яңа рекорд: БДИ ны 100 баллга тапшыручылар арткан!

Бу турыда Министрлар Кабинетында узган брифингта Татарстан премьер-министр урынбасары, мәгариф һәм фән министры Рафис Борһанов хәбәр итте.

– Математикадан БДИ ны барлыгы 30 укучы 100 баллга тапшырды. Бу Татарстанда БДИ уздырыла башлаганнан бирле иң яхшы нәтиҗә, - дип ассызыклады җитәкче.

Әйтергә кирәк, 100 балл җыйган укучылар физика (12 кеше), әдәбият (15) һәм җәмгыять белеме (2) кебек фәннәрдә дә арткан.

Рафис Борһанов сүзләренчә, 100 балл җыйган укучыларны Татарстанның 21 районында, Казан һәм Яр Чаллы шәһәрләре мәктәпләрендә әзерләгәннәр. Казанда – 94, Чаллыда – 25, Яшел Үзән районында – 10, Әлмәт һәм Бөгелмә районнарында – 9 ар, Түбән Кама районында – 6, Югары Ослан районында – 5, Лениногорск районында – 4, Әгерҗе, Азнакай, Алабуга, Зәй, Чистай районнарында – 3 әр, Балтач, Мамадыш, Саба, Спас районнарында – 2 шәр, Чүпрәле, Кама Тамагы, Нурлат, Тукай, Чирмешән районнарында – 1 шәр 100 балл җыйган укучы бар.

БУ ТЕМАГА ТАГЫН ЯЗМАЛАР:

ТАТАР ТЕЛЕННӘН БДИ һәм ТДИ…БИРМИЛӘР?

БДИдан начар балларда кем гаепле?

БДИны – 399 БАЛЛГА!

Путин БДИда 300 балл җыйган!