Татарстанда институт студентларын техникумга күчерәчәкләр

Әлмәт дәүләт муниципаль хезмәт институты югары уку йорты булудан туктап, хәзер техникумга әйләнәчәк. Бу турыдагы килешүгә ТР премьер-министры Алексей Песошин кул куйган. 

Элекке югары уку йорты студентларының барысы да хәзер техникум студентлары булачак. Институт статусын йөрткәндә уку йорты психолог, экономист, эколог, программистлар әзерләгән. Яңа белгечлекләр исемлеге мәгариф һәм фән министрлыгы тарафыннан киләсе ике ай эчендә хәл ителер дип көтелә.