ТАТАРСТАНДА ИНФОРМАТИКАДАН БДИ УЗДЫРУ ӨЧЕН 1800 КОМПЬЮТЕР АЛЫНГАН

Тулырак безнең язмада.

Информатика һәм ИКТдан БДИ быел беренче тапкыр компьютерда тапшырыла. Татарстанда әлеге эшне оештыру өчен махсус 1800 яңа компьютер алынган.

– Имтихан уза торган бөтен урыннарда да яңа компьютерлар куелды. Чөнки моны эшләмичә кирәкле нәтиҗәләргә ирешеп булмый. Хакимият, Татарстан президенты безгә бу эштә зур ярдәм күрсәтте,- дип сөйли Илсур Һадиуллин.

Татарстанда информатикадан БДИ 24 һәм 25 июнь көннәрендә 91 урында уза. Алар арсында имтиханны өйдән торып тапшыручылар да бар (Казан, Чаллы).

Имтихан тапшырырга 2 455 кеше теләк белдергән. Информатикадан имтиханнарда барлыгы 3 097 укытучы катнаша.