ТАТАРСТАНДА ЧИКЛӘҮЛӘРНЕ БЕТЕРҮНЕҢ ЯҢА ЭТАБЫ БАШЛАНДЫ

Татарстан чикләүләрне бетерүнең яңа этабына күчте. Ул 29 июньнән башлана. Нәрсәләр эшли башлаячак?

29 июньнән башлап балалар лагерьларына ишекләрен ачарга мөмкин. Шулай ук мәйданнары 800 квадрат метрга кадәр зурлыкта булган кибетләр дә ачылачак.

Шулай ук районара автобуслар да йөри башлаячак. 65 яшьтән өлкәнрәк булган кешеләргә һаман да үзизоляция режимын сакларга киңәш ителә.

Кино, төнге клуб, уен бүлмәләре, сәүдә үзәкләре әле һаман да эшләми. Таксига берьюлы 2дән артык кешегә (балаларны санамыйча) утырырга ярамый. Транспортта һәм кибетләрдә һаман да маска һәм перчатка кию мәҗбүри.

Роспотребнадзор хәбәр итүенчә, чикләүләрне бетерүнең өченче этабы 10 июльдән дә иртәрәк булмаячак.