ТАТАРСТАНДА БЕРНИЧӘ СЫЙНЫФНЫ КАРАНТИНГА ЯПКАННАР

Республикада 22 мәктәпнең 29 сыйныфын карантинга япканнар.

Татарстанда 22 мәктәпнең 29 сыйныфын карантинга япканнар. Мәктәп укучылары грипп һәм ОРВИ белән авыру сәбәпле, вакытлыча изоляциягә җибәрелгән.

Мондый укучылар кайлардан?

Авырый торган балаларның күбесе Казаннан. Бу – 20 мәктәптәге 27 класс. Тагын ике сыйныф Чаллыдан һәм Лениногорск муниципаль районыннан.

Гомумән алганда, Россиянең мәгариф министрлыгы мәгълүматларына таянсак, Россия буенча коронавирус сәбәпле 0,31% мәктәп ябылган, ә грипп һәм ОРВИ аркасында 0,22% мәктәп эшләми.

Министр Сергей Кравцов сүзләренчә, уку процессы турында карар һәр региондагы эпидемиологик вәзгыятьтән чыгып хәл ителә.