Татарстанда 7,5 мең яшүсмер җәйгә эшкә урнашкан

Җәйге каникул чорында эшләргә теләүче үсмерләр шактый. Хәзерге вакытта 7,5 яшь татарстанлы эш урыннары белән тәэмин ителгән инде.

Быел җәй көне барлыгы 18,4 мең  үсмер эшкә урнашыр дип көтелә. Хәзерге вакытта план 40 процентка үтәлгән. Барлыгы 7,4 мең үсмер эшкә урнашкан, дип белдергән Татарстан Хезмәт, мәшгульлек һәм социаль саклау министры Эльмира Зарипова.

Эшкә урнаштырганда,  ятим һәм күпбалалы гаиләдәге балаларга өстенлек бирелә икән. Мәктәп укучылары күп очракта бюджет оешмалары, авыл хуҗалыгы предприятиеләренә эшкә керә ди.