Татарстанда 41 торак пункт утсыз калды

Бүген Татарстанның 41 торак пунктында электр белән тәэмин итү тутктатылды. Бу хакта "Татар-информ"га Россия Гадәттән тыш хәлләр министрлыгының Татарстан буенча Баш идарәсе матбугат хезмәте җиткерде.

7.45 сәгатькә Тәтеш, Яшел Үзән, Кама Тамагы, Кайбыч, Балык Бистәсе, Питрәч районнарында һәм өлешчә Казанда электр белән тәэмин итүнең туктатылуы турында хәбәр ителде. Республиканың 10 меңнән артык кешесе яшәгән 700ләп йорт, 12 мәктәп, 178 ярдәмче трансформатор станциясе утсыз калды.