ТАТАРСТАНДА 2026 ЕЛГА САБАНТУЙ ДАТАЛАРЫ БИЛГЕЛЕ

Татарстанда 2026 елда үтәчәк Сабантуй һәм Каравон бәйрәмнәренең даталары билгеле булды. Тиешле указлар Республика Рәисе сайтында басылып чыкты.

Сабантуй бәйрәме республика авылларында һәм район үзәкләрендә 6-7 июнь көннәрендә узачак. Яр Чаллы шәһәрендә бәйрәм 13 июньгә билгеләнгән, ә Казанда Сабантуй 20 июнь көнне үтәчәк.

Рус халык бәйрәме Каравон исә 23 майда уздырылачак. Гадәттәгечә, ул Никольское авылында – Лаеш районы территориясендә үткәреләчәк.