ТАТАРСТАН УКУЧЫЛАРЫ КӨНГӘ НИЧӘ БИШЛЕ ҺӘМ ИКЕЛЕ АЛА?

Татарстан укучылары көнгә 400 меңгә якын бишле ала икән. Бу турыда информацион технологияләр һәм элемтә министры Айрат Хәйруллин хәбәр итә. 

Бишлеләр 400 мең тирәсе булса, икелеләр 13 тапкырга әзрәк икән, ягъни 32 мең. Бу һәр 82нче укучы икеле ала дигәнне аңлата. 

Бу мәгълүмат укучыларның кайсы мәктәпләрдә һәм кайсы фәннәрдән дәрес материалын аеруча яхшы һәм начар үзләштерүен аңлар өчен кирәк. Айрат Хәйруллин фикеренчә, белем бирүнең нәтиҗәлелеген БДИ һәм ТДИ балларына карап кына бәяләү дөрес түгел.