ТАТАРСТАН ОЛИМПИАДАЛАРДА ҖИҢҮЧЕЛӘР САНЫ БУЕНЧА ЛИДЕРЛАР РӘТЕНДӘ

Татарстан мәктәп укучылары арасында уздырыла торган бөтенроссия олимпиадалары нәтиҗәләре буенча алдынгы төбәкләрнең берсе булды. Бу хакта Россия Мәгариф министры Сергей Кравцов хәбәр итте.

Аның сүзләренә караганда, 2025-2026 уку елында узган Бөтенроссия мәктәп укучылары олимпиадасының финал этабы нәтиҗәләре буенча Татарстан 269 җиңүче һәм призёр белән ил күләмендә дүртенче урынны алган.

Лидерлар исемлегендә беренче урында – Мәскәү (1 972 кеше), икенче урында – Мәскәү өлкәсе (578 кеше), өченче урында – Санкт-Петербург (344 кеше). Татарстан да бу күрсәткеч буенча алдынгы төбәкләр арасына кергән.

Министр билгеләп үткәнчә, елдан-ел Бөтенроссия мәктәп укучылары олимпиадасының географиясе киңәя бара һәм ул Россиянең күбрәк төбәкләрен колачлый.