«ТАТАРЧА ДИКТАНТ» АКЦИЯСЕНӘ КУШЫЛ

Бу җомгада Казанда дөньякүләм татарларның грамматика дәрәҗәсен тикшерү өчен «Татарча диктант» акциясе старт ала. Бу татар җәмгыятенең иң зур тел акцияләренең берсе булып санала, ел саен дөнья буенча бер миллионнан артык катнашучы җыя. Әлеге чара бөек татар шагыйре Габдулла Тукайның тууына 140 ел булу уңаеннан уздырыла.

Акциядә теләге булган һәр кеше катнаша ала. Акция сайтына кереп, Россиядә һәм чит илләрдә узачак үткәрү урыннары турында мәгълүмат табарга һәм үзенә уңайлы булган урынны сайлап катнашырга мөмкин. Нәтиҗәләр 30 көн эчендә билгеле булачак һәм сайтта басылып чыгачак. «Татарча диктант» өч дәрәҗәдә үткәрелә:

• башлангыч тел белү дәрәҗәсе;
• уртача дәрәҗә;
• туган тел итеп белүчеләр.

Акция 24-26 апрельдә 10:00 сәгатьтә узачак. Җомга көнне, акциянең беренче көнендә, диктант Татарстанда языла, 25 апрельдә – Россиянең төбәкләрендә, ә 26 апрельдә – чит илләрдә. Теләүчеләр офлайн форматта (мәктәпләр, университетлар, китапханәләр һәм башка мәйданнар) һәм онлайн рәвештә, алдан теркәлеп, сайтта катнаша ала. Казанда офлайн диктант үткәрү өчен төп мәйданнар – Казан федераль университетының актлар залы (Татарстан урамы, 2) һәм Казан дәүләт энергетика университетының Д-104 аудиториясе (Вахитов урамы, 18).