ТАТАР ТЕЛЕННӘН ТДИ ТАПШЫРУЧЫЛАР АРТКАН!

Татарстанда 9нчы сыйныф укучылары арасында татар теленнән ТДИ (ОГЭ) тапшыручылар саны арткан. Гомумән алганда, 9нчы сыйныфны тәмамлаганда, туган телдән ТДИны сайлап алучылар күп икән. Бу – татар, чуаш, мари, удмурт телләре. Татар телен сайлаучылар да шактый.

Быел туган телдән ТДИны 1949 чыгарылыш укучысы тапшырачак. Аларның күбесе татар телен сайлаган. Узган елларда исә туган тел буенча имтихан тапшыручылар саны 1400-1600 кеше булган. Быел 100дән артыграк кеше чуаш теленнән имтихан тапшырачак, мари, удмурт телләреннән – азрак.