ТАРИХ БУЕНЧА БДИДА 100 БАЛЛ ҖЫЮЧЫЛАР САНЫ 1,5 ТАПКЫРГА АРТКАН

Тарих буенча Бердәм дәүләт имтиханында (БДИ) 100 балл җыйган укучылар саны узган ел белән чагыштырганда якынча 1,5 тапкырга арткан. Бу хакта ТАСС агентлыгына Рособрнадзор җитәкчесе Анзор Музаев хәбәр иткән.

Аның сүзләренчә, югары балл җыйган чыгарылыш сыйныф укучылары өлеше дә 4 процентка арткан.

Шулай ук Анзор Музаев билгеләп үткәнчә, быел тарих буенча БДИдагы биремнәрнең кимендә 20 проценты Бөек Ватан сугышы темасына багышланган булган.