ШУЛ ГЫНА ҖИТМӘГӘН ИДЕ: ЯЛЛАРДА КАР ЯВАЧАК!

Гидромецентр Россиянең барлык Ауропа өлешендә кискен һава торышы үзгәрәчәген хәбәр итә. Җылы һаваны Арктикадан килгән салкын циклон кысырыклап чыгарачак.

Илнең көньяк өлешендә эссе басылып, температураның бераз кимүе генә күзәтелсә, урта полоса һәм төньяк өлешләрдә температура киләсе атна башыннан нормадан 4-7 градуска, ә Урал якларында 8-10 градуска түбәнрәк булачак. Илнең аерым өлешләрендә исә, бөтенләй юеш кар яварга мөмкин, дип кисәтә Гидромецентр.