“Сенофест” фестивале Ростовта җиңү яулады!

«Молодые аграрии» Бөтенроссия сменасында Татарстан проектына тиңнәр булмаган. «Ростов-2017. Уңыш территориясе» форумында безнекеләр иң яхшысы, дип табылган.

Берничә көн дәвамында форумдагы яшьләр «Проектлар конвейеры»нда катнашкан. Грант конкурсында җиңүгә 64 проект дәгъва кылган.

Татарстанны Зәй районының Аграр яшьләр берлеге рәисе Диләрә Шувалова тәкъдим иткән. Ул «Сенофест» дип аталган ART-фестиваль турында бәян сөйләгән. Жюри әгъзалары да проектны югары бәяләп, беренче урын биргән. Шунысы кызык: «Сенофест» проекты форумда иң зур җиңүгә лаек булган: 300 мең сумлык грант откан. Ә бу чарада шушы күләмдәге грантны башка керкем дә алмаган. Менә сиңа мә!