САЙЛАУ СӘБӘПЛЕ КАЗАН МӘКТӘПЛӘРЕНДӘ ДӘРЕСЛӘР ТӘРТИБЕ ҮЗГӘРӘЧӘК

18-20 сентябрьдә Татарстан башкаласында тавыш бирү узачак. Шәһәрдә 465 сайлау участогы оештырылачак, аларның күпчелеге мәктәп биналарында урнашкан.

Шул сәбәпле, әлеге көннәрдә кайбер укучылар өчен дәресләр гадәти форматта узмаячак. Укучыларның бер өлеше музейларда, ачык һавада шөгыльләнәчәк, ә профильле предприятиеләрдә экскурсияләр һәм һөнәри юнәлеш бирү чаралары оештырылачак.

Мәктәпләрнең уку процессы сайлау участоклары эшенә комачауламаслык итеп оештырылачак.