РЯЗАНЬ ЯШЬ ТАМАШАЧЫЛАР ТЕАТРЫ – КАЗАНДА

Казанда 20-23 апрель көннәрендә Рязань өлкәсе яшь тамашачы театры гастрольләре узачак. Казанның яшь тамашачылар театры сәхнәсендә Сергей Есенин, Михаил Салтыков-Щедрин һәм Алексей Толстой әсәрләре буенча спектакльләр карарга мөмкин булачак.

Соңгы тапкыр Рязань яшь тамашачы театры Казанга ике ел элек килгән иде. Театр 1937 елда оешкан һәм андагы спектакльләр төрле яшьтәге тамашачылар өчен дә кызыклы. Театрның репертуарында рус һәм чит ил классикасы, автор һәм халык әкиятләре, шулай ук заманча драматургия дә бар. Билетларны сылтама буенча алырга мөмкин.