РУС ТЕЛЕННӘН БЕЛЕМЕҢНЕ ТИКШЕР, «ТОТАЛЬ ДИКТАНТ»ТА КАТНАШ!

Ел саен үткәрелә торган «Тоталь диктант» халыкара акциясе быел 8 апрельдә узачак. рус теленнән үз белемнәрен тикшерергә теләгән һәр кеше диктант яза ала. Диктантта катнашу өчен «Тоталь диктант» акциясе сайтында теркәлергә кирәк. 

Татарстан территориясендә диктант 14.00 сәгатьтә башланачак, аны республиканың барлык шәһәр һәм районнарында яшәүчеләр яза алачак. Быел диктантны язар өчен меңнән артык мәйданчык оештырылган, шуларның 200дән артыгы Казанда.

Бу елны диктант тексты авторы итеп Ерак Көнчыгыштан язучы һәм журналист Василий Авченко сайланган.