Россиядә тагын бер ял көне өстәлергә мөмкин

Тиздән календарьда күпләр ярата һәм өзелеп көтә торган тагын бер кызыл сан барлыкка килергә мөмкин. Россиянең хезмәт һәм социаль яклау министрлыгы Россиядә тагын бер ял көне булдырырга тәкъдим итә.

Әлеге ял ниндидер бәйрәм уңаеннан игълан ителми. Бу көнне россиялеләр махсус диспансеризация узарга тиеш булачак. Хәзерге вакытта эш бирүче пенсия яшенә якынлашучы һәм пенсиядәге хезмәткәрләренә диспансеризация өчен  елына ике ял көне бирергә бурычлы. Тиздән исә 40 яшькәчә хезмәткәрләргә дә  медицина тикшеренүе өчен ял көне бирергә уйлыйлар. Алай гына да түгел, әлеге төр ял көннәрен 1 генә түгел, 2, хәтта 3 көнгә озайту турында да сөйләшүләр бара икән.