РОССИЯДӘ КАРАНТИН РЕЖИМЫН БОЗУЧЫЛАРГА ҖӘЗА КӨЧӘЙТЕЛӘЧӘК

Пандемия чорында карантин режимын бозучылар бүгенгедән алып зур штрафларга юлыгырга мөмкиннәр. Бу турыда Россия Хөкүмәте рәисе Михаил Мишустин хәбәр итте.

Беренче тапкыр кагыйдәне бозган кешегә 15 меңнән алып 40 меңгә кадәр штраф булса, юридик затларга 200 меңнән 500 меңгә кадәр штраф каралган. 

Гадәттән тыш ситуация шартында карантин режимын икенче тапкыр бозучы юридик затларга штраф 1 миллион булса, гади гражданиннарга 500 меңгә кадәр булачак.