РОССИЯДӘ БАЛАЛАР ӨЧЕН КИБЕРКУРКЫНЫЧСЫЗЛЫК БУЕНЧА АНИМАЦИОН ДӘРЕСЛӘР СЕРИЯСЕ ЭШЛИ БАШЛЫЙ

2026 елның 2 февраленнән 1 мартына кадәр цифровойликбез.рф сайтында «Цифрлы ликбез» агарту проекты кысаларында цифрлы грамоталылык һәм киберкуркынычсызлыкка багышланган мультфильмнар һәм методик материаллар дөнья күрәчәк.

Проект АНО «Цифрлы икътисад» тарафыннан Россия Федерациясенең Цифрлы үсеш, элемтә һәм массакүләм коммуникацияләр министрлыгы, шулай ук Мәгариф министрлыгы белән берлектә гамәлгә ашырыла. Ул «Цифрлы икътисад өчен кадрлар» федераль проектына, шулай ук «Мәгълүматлар икътисады» милли проектына ярдәм итә.

Быел «Киләчәккә өлеш» фонды өч анимацион ролик тәкъдим итәчәк: «Намуслы өйрән», «Акыллы файда» һәм «Дропперлык: нәрсә ул һәм ни өчен куркыныч». Һәр видеоматериал интернетта куркынычсыз тәртип күнекмәләрен формалаштыруга юнәлдерелгән методик рекомендацияләр белән тулыландырыла.

Проект материаллары 6 яшьтән башлап балалар өчен исәпләнгән һәм ата-аналар яки педагоглар белән бергә карау өчен тәкъдим ителә. Барлык контент та Балалыкны, гаиләне һәм тәрбияне өйрәнү институты тарафыннан тикшерелгән һәм расланган.